कोलंबी फ्राय

साहित्य :

१/२ किलो. कोलंबी साफ केलेली पण न सोललेली (कोतासकट.)
३/४ मोठे चेमचे आलं + लसुण + मिरची + कोथिंबीर पेस्ट (हिरवा मसाला).
१ चमचा हळद.
२ मोठे चेमचे मालवणी मसाला. (फिश् मसाला).
१ लहान चमचा जिरेपुड.
१ मोठ्ठं लिंबू.
४/५ चेमचे तेल.
चवीनुसार मीठ.
२-४ उकडलेली अंडी सजावटीसाठी.

कृती :
सर्व प्रथम कोलंबी साफ करुन घ्या. साफ करताना कोलंबीचे पाय आणि डोक्याचा (डोळ्या पर्यंतचा) भाग काढुन कोत तशीच राहु द्या.
कोलंबी स्वच्छ पाण्यात धुवून त्यात लिंबू पिळा.
हळद ,मसाला, हिरवा मसाला, जिरेपुड, मीठ लावुन चांगल तासभर मुरत ठेवा.

तासाभरा नंतर एका फ्राईंग पॅन मध्ये तेल टाकून गॅस वर मध्यम आचेवर कोलंबी तळुन घ्या. साधारण १० मिनीटात शिजते. जास्त वेळ ठेवु नका.

तळलेली कोलंबी एका डिश् मध्ये घेउन उकडलेल्या अंड्यानी सजवा.

जेवणात साईड डिश म्हणुन तर आवडतेच पण अपेय पानाची आचमन करणार्‍यांना तोंडी लावणे म्हणुन खास आवडीचा पदार्थ.