जन्मजात खाण्याची आवड. त्यात घरी आज्जी-आई यांना साक्षात अन्नपुर्णेचं वरदान लाभलेलं. हे कमी की काय म्हणुन बाबा आणि माझे मातुल हे सुद्धा बल्लव. मग हे खाण्या खिलवण्याच वेडं माझ्या रक्तात उतरल नसत तरच नवल. माझ्या अनेक आंतरजालीय स्नेह्यांच्या प्रोत्साहनाने प्रेरित होऊन मी ह्या ब्लॉगचा श्रीगणेशा करतोय. या ब्लॉगसाठी समर्पक नावं सुचवणार्‍या माझ्या दिदीचा आणि प्राजुताईचा मी आभारी आहे.

Tuesday 28 December 2010

चिकन लॉलीपॉप

साहित्यः
चिकन विंग्जस् . एका विंगचे दोन लॉलीपॉप होतात.


१ चमचा आल-लसुण भरड वाटलेल.
१ चमचा काळा सोयासॉस.
१ चमचा काळीमिरी पुड.
मीठ चवी नुसार.
तळण्यासाठी तेल.
१ वाटी मैदा.
१ चमचा कॉन फ्लॉवर.
२ चमचे बेसन.
१ चमचा लाल तिखट.
तंदुरीचा रंग. (ऑपशनल)
कृती:
चिकन विंगच्या सांध्यात सुरीने कापुन एका विंगचे दोन तुकडे करा.


चित्रात दाखवल्या प्रमाणे विंगच्या टोलाका सुरीने हाडा भोवती गोल चरा द्या.
मग अंगातुन टी-शर्ट काढावा त्या प्रमाणे हाडाच्या चरा दिलेल्या टोकाला पकडुन मांस (इन साईड आउट) खाली खेचा.
विंगच्या खांद्याकडील भागाला एकच हाड असत. तर खालच्या भागात दोन हाड असतात.
तसच वरच्या भागात मांस जास्त असत तर खालच्या भागात कमी.
खालच्या भागाच लॉलीपॉप बनवताना दोघा पैकी एक हाड काढुन टाकाव.




सगळे लॉलीपॉप तयार झाल्यावर त्यांना मीठ, आल-लसुण, कळीमिरी पुड, सोयासॉस लावुन १५-२० मिनिटे मुरत ठेवाव.


एका भांड्यात मैदा, बेसन, कॉन फ्लॉवर, मीठ, लाल तिखट नीट एकत्र करुन घ्याव.
थोड थोड पाणी टाकत भजी सारख घट्ट पीठ तयार कराव. (भजी पेक्षा किंचीत जाडं)
रंग टाकायचा झाल्यस पाणी टाकल्यावर घालावा.
कढईत तेल तापवुन घ्याव.
एक एक लॉलीपॉप त्या पीठात घोळवुन खरपुस तळुन घ्यावे.


1 comment:

  1. प्रतिक, ह्या रेसिपी बद्दल धन्यवाद! आज संध्याकाळी प्रयोग करणार आहे! :)

    ReplyDelete