जन्मजात खाण्याची आवड. त्यात घरी आज्जी-आई यांना साक्षात अन्नपुर्णेचं वरदान लाभलेलं. हे कमी की काय म्हणुन बाबा आणि माझे मातुल हे सुद्धा बल्लव. मग हे खाण्या खिलवण्याच वेडं माझ्या रक्तात उतरल नसत तरच नवल. माझ्या अनेक आंतरजालीय स्नेह्यांच्या प्रोत्साहनाने प्रेरित होऊन मी ह्या ब्लॉगचा श्रीगणेशा करतोय. या ब्लॉगसाठी समर्पक नावं सुचवणार्‍या माझ्या दिदीचा आणि प्राजुताईचा मी आभारी आहे.

Monday 10 October 2011

तंदुरी विंग्ज्

गेल्या आठवड्यात माझा मित्र प्रभो याने तंदुरी विंग्जचे जीव घेणे फोटो आणि पाककृती टाकुन मला ईनो घेण्यास भाग पाडले. पण ईनो घेउनही समाधान नाही. त्यामुळे या विकांती हा भारी पदार्थ बनवून क्षुधा शांती केली गेली.

साहित्य :



१ लहान चमचा लाल तिखट.
१/२ लहान चमचा हळद.
२ चमचे घट्ट दही.
२ चमचे तंदुर मसाला. (मी एव्हरेस्टचा वापरलाय)
१.५ चमचा आल लसुण वाटण.
१ चमचा घरचा मसाला ( ऑप्शनल.)

आवडत असल्यास तंदुरचा केशरी रंग चिमुट भर.
मीठ चवी नुसार.
थोडस बटर किंवा तेल.



१०-१२ विंग्ज् (अर्धे कापले की २०-२४ पीस होतात .)

कृती :

सगळे मसाले एकत्र करुन घ्यावे.



चिकनचे विंग्ज् वर एकत्र केलेल्या मसाल्यात किमान २-३ तास मुरत ठेवावे.



बेकिंग ट्रेला अ‍ॅल्युमिनियम फॉईल लावुन त्यावर तेलाच वा बटरच बोट लावुन घ्याव.
चिकनचे तुकडे एक मेकांपासुन थोड्या अंतरावर पसरवुन घ्यावे.
ओव्हन १८० ते २०० °C वर ठेवुन त्यात ३० ते ४० मिनिटे शिजवावे.
मध्ये एकदा सगळे तुकडे उलटुन घ्यावे. वरुन ऑईल स्प्रे /बटरचा ब्रश  फिरवावा.
शेवटची ८-१० मिनिट ब्रॉईल मोडवर ठेवाव.


3 comments:

  1. Awesome recipe! ani wings perfect distayet. Weekend chi waat baghane jamnaar nahi. Trying this today!!

    ReplyDelete
  2. धन्यवाद प्रियांका. :)

    ReplyDelete